29

മാ​ന​ന്ത​വാ​ടി: ഓ​ണ​വി​പ​ണി മു​ന്നി​ല്‍​ക്ക​ണ്ട് നേ​ന്ത്ര​ക്കാ​യ വി​ല​യി​ല്‍ വ​ര്‍​ധ​ന. പ​ത്ത് ദി​വ​സ​ത്തി​നു​ള്ളി​ല്‍ കി​ലോ​യ്ക്ക് 13 രൂ​പ​യോ​ള​മാ​ണ് നേ​ന്ത്ര​ക്കാ​യ്ക്ക് വ​ര്‍​ധി​ച്ച​ത്. വ​രും ദി​വ​സ​ങ്ങ​ളി​ല്‍ വി​ല ഇ​നി​യും ഉ​യ​രു​മെ​ന്നാ​ണ് വി​പ​ണി​യി​ലെ സൂ​ച​ന.

ഓ​ണ​ത്തോ​ട​നു​ബ​ന്ധി​ച്ച് ചി​പ്‌​സ്, ശ​ര്‍​ക്ക​ര​വ​ര​ട്ടി തു​ട​ങ്ങി​യ ഉ​ത്പ​ന്ന​ങ്ങ​ള്‍ വ​ന്‍​തോ​തി​ല്‍ നി​ര്‍​മി​ച്ച് വി​പ​ണി​യി​ലെ​ത്തി​ക്കു​ന്ന​തി​നാ​യി വ്യാ​പാ​രി​ക​ളും വ​ന്‍​കി​ട നി​ര്‍​മാ​താ​ക്ക​ളും കാ​യ വ​ന്‍​തോ​തി​ല്‍ സം​ഭ​രി​ച്ചു തു​ട​ങ്ങി​യ​തും ഒ​രാ​ഴ്ച​യാ​യി പ്ര​ദേ​ശി​ക ഉ​ത്പാ​ദ​നം കു​റ​ഞ്ഞ​തു​മാ​ണ് പെ​ട്ടെ​ന്നു​ള്ള വി​ല​വ​ര്‍​ധ​ന​യു​ടെ പ്ര​ധാ​ന കാ​ര​ണം. ജി​ല്ല​യി​ല്‍ ഭൂ​രി​ഭാ​ഗം ക​ര്‍​ഷ​ക​രു​ടെ​യും വാ​ഴ​ക്കു​ല​ക​ളു​ടെ വി​ള​വെ​ടു​പ്പും വി​ല്‍​പ​ന​യും ഇ​തി​നോ​ട​കം പൂ​ര്‍​ത്തി​യാ​യി​ക്ക​ഴി​ഞ്ഞു. ഒ​രാ​ഴ്ച​യാ​യി​ലേ​റേ​യാ​യി പ്രാ​ദേ​ശി​ക​മാ​യ ഉ​ത്പാ​ദ​ന​ത്തി​ലു​ണ്ടാ​യ ഈ ​കു​റ​വും കാ​യ സം​ഭ​ര​ണം ശ​ക്ത​മാ​യ​തും വി​ല​ക്ക​യ​റ്റ​ത്തി​ന്‍റെ ആ​ക്കം കൂ​ട്ടി.

ത​മി​ഴ്‌​നാ​ട്-​ക​ര്‍​ണാ​ട​ക തു​ട​ങ്ങി​യ ഭാ​ഗ​ങ്ങ​ളി​ല്‍ നി​ന്നു​ള്ള കാ​യ​യു​ടെ വ​ര​വും നി​ല​ച്ച​തോ​ടെ​യാ​ണ് നേ​ന്ത്ര​ക്കാ​യ വി​ല പെ​ട്ടെ​ന്ന് ഉ​യ​ര്‍​ന്ന​ത്.

ഓ​ണം അ​ടു​ത്തു​വ​രു​ന്ന​തോ​ടെ നേ​ന്ത്ര​ക്കാ​യ ഉ​ത്പ​ന്ന​ങ്ങ​ള്‍​ക്ക് പൊ​ള്ളു​ന്ന വി​ല ന​ല്‍​കേ​ണ്ടി വ​രു​മെ​ന്ന ആ​ശ​ങ്ക​യി​ലാ​ണ് സാ​ധാ​ര​ണ​ക്കാ​ര്‍. അ​തേ സ​മ​യം ഓ​ണ​ത്തോ​ട​ടു​ക്കു​മ്പോ​ള്‍ വി​ല 50 രൂ​പ​യി​ലേ​ക്കെ​ത്താ​നും സാ​ധ്യ​ത​യു​ണ്ട്.